ٹی ایس ایلیٹ کے تنقیدی نظریات||T.S Eliot||مغربی نقاد اردو

  

ٹی ایس ایلیٹ

مضمون کا گزشتہ حصہ یہاں پڑھیں 

شاعری کا تجزیہ یوں کرنا کہ اس میں اتنے حصے نفسیاتی بصیرت ، اتنے حصے تاریخی صداقت اتنے حصے صوتی خوشگواری ، اتنے حصے مصنف کی شخصیت اور اسی طرح اور عناصر ہوتے ہیں، ہمارے زمانے کی ایک دماغی تفریح ہے ۔ لیکن اس سے یہ مرکز ی سوال حل نہیں ہوتا کہ شاعری بذات خود کیا چیز ہے اور اس کی امتیازی سیرت کیا ہے؟ بیسویں صدی میں نقادوں کے ایک ممتاز گروہ نے اپنے آپ کو ضمنی مباحثوں سے مخلی باالطبع کر کے اس امر کے تعین کی کوشش کی ہے کہ شاعری میں وہ کون سی بات ہوتی ہے جو کسی اور ذہنی تخلیق میں نہیں ہوتی ۔ مثلا ان نقادوں کی رائے میں شاعری شخصیت کا اظہارنہیں ہوتی اور نہ قوی جذبات کا ایک اضطراری طغیان ہوتی ہے، جور و مانی نقادوں اور شاعروں کے بنیادی عقائد تھے ۔ ٹی ایس ایلیٹ کہتا ہے:

''شاعری جذبات کو ڈھیل دینے کا نام نہیں ۔ وہ تو جذبات سے ایک طرح
 کا فرار ہے۔ وہ شخصیت کا اظہا نہیں بلکہ اس سے گریز ہے ۔''

روایت کے متعلق ایلیٹ کا مشہور زمانہ مضمون ''روایت اور انفرادی صلاحیت [اردو ترجمہ] پڑھنے کے لیے یہاں کلک کریں۔

 اس کی تصریح وہ ذیل کے الفاظ میں کرتا ہے:

 ’’ شاعر کے یہاں شخصیت کی قسم کی کوئی چیز نہیں ہوتی جس کا وہ اظہار

 کرے۔اس کے پاس تو محض ایک وسیلہ اظہار ہوتا ہے ۔ اس وسیلۂ اظہار

 میں تاثرات اور تجربات عجیب وغریب اور غیر متوقع صورتوں میں جمع

ہوجاتے ہیں ۔ وہ تاثرات و تجربات جو شاعر کے لے بہ حیثیت ایک انسان

 کے اہمیت رکھتے ہیں ،ممکن ہے کہ شاعر کی شخصیت میں ان کا کوئی بڑا حصہ نہ ہو۔ ''

یہ نقطہ نگاہ رچرڈز کے نقطہ نگاہ کی عین ضد ہے ۔رچرڈز کا طریقہ افلاطونی ہے ، جس کی سڈنی اور شیلے نے بھی تقلید کی ،یعنی وہ طریقہ جو شاعری کو ایک ایسے معیار پر پرکھتا ہے جو زندگی پر بہ حیثیت مجموعی عائد ہوتا ہے ۔افلاطون اور اس کے مقلد ین میں فرق یہ ہے کہ جہاں افلاطون نے اپنے عام معیار زندگی کا اطلاق شاعری پر کر کے یہ دیکھا کہ شاعری اس پر پوری نہیں اترتی ، وہاں اس کے مقلدین نے ایک مختلف معیار پر شاعری کو پرکھا جس پر وہ پوری اتری۔ارسطو کا طریقہ یہ ہے کہ شاعری کی قدر یں خود اس کے اندر ڈھونڈی جائیں ، اگر چہ یہ بجا ہے کہ بالآخران قدروں کو عام قدروں کے ایک معیاری نظام سے متعلق کرنا ضروری ہوتا ہے ۔موجودہ دور کی تنقید زیادہ تر ارسطو کے مسلک پر گامزن ہے ۔

آج کے مطالعے کے لیے ایک ورق مزید پڑھیں

1. اردو غزلیات کا بہترین انتخاب  ہر شعر آپ کے دل کے قریب تر 
2. اشفاق احمد ورک کی مزاحیہ  تحریریں اور خاکے ضرور ملاحظہ فرمائیں
3. جدید اردو نظم کے خوب صورت نقوش آپ کے ذوق کی نظر
4. اسد محمد خان کے بہترین اور لازوال افسانے [کیا آپ مختصر کہانیوں سے رغبت رکھتے ہیں؟]
5. پنجابی شاعری کا کڑا انتخاب ہمارے ساتھ  ملاحظہ فرماِئیں
6. علامہ اقبال کی فکر  کو سمجھیں منتخب لیکچرز کی مختصر رپورٹ
7. اردو کی بہترین مزاحیہ شاعری ملاحظہ فرمائیں۔۔